Heimir Þór tekur sig einstaklega vel út í treyjunni.

Langar þig til að eignast gullfallega treyju meistaraflokks Grundarfjarðar? Ef svo er þá getur þú haft samband við Tomma tomasfreyr(hja)gmail.com og nálgast þetta hjá honum. Treyjan kostar aðeins 5000 kr og rennur allur ágóðinn beint inn í Meistaraflokkinn. Treyjurnar eru til í flestum stærðum frá barna og upp í fullorðins.


Aron ber búninginn vel.

Þetta verður aðallbúningur liðsins næsta sumar. Um að gera að fjárfesta í treyju fyrir tímabilið og lita brekkuna bláa.

Jólagjöfin í ár?

Lokahóf Grundarfjarðar fór fram laugardaginn 10. sep. síðastliðinn.. Þar spiluðu ungur á móti gömlum, svo var leikur gegn Draugabönum þar sem að heilt ball var undir. Svo var standandi partý fram eftir nóttu. Mikið fjör og mikið gaman.

Leikmaður ársins 2011
Aron Baldursson

Efnilegasti leikmaðurinn 2011
Ingólfur Örn Kristjánsson

Markahæstur 2011
Heimir Þór Ásgeirsson

Þá er það ljóst að við höfum lokið keppni í Íslandsmótinu þetta árið... Við gerðum 1-1 jafntefli við Magna á heimavelli í gær og þar með ljóst að Magni fer áfram. Þeir skoruðu fyrst og það var því ljóst að við þurftum að skora þrjú til að komast áfram. Hemmi jafnaði og þar við sat. Miðað við spilamennskuna okkar þá áttum við fyllilega skilið að fara lengra. Við vorum einum færri nánast allan síðari hálfleikinn fyrir norðan og fáum á okkur mark á lokamínútunni þar. Svo skora þeir mark hérna sem angaði all svakalega af rangstöðu að það hálfa var mikið meira en nóg. 

Við strákarnir fórum í road trip til Grenivíkur um liðna helgi. Gistum eina nótt á Akureyri og spiluðum svo við Magna á laugardeginum. Ferðin var mjög skemmtileg og ég held svei mér þá að hópurinn hafi hreinlega þjappað sér eilítið betur saman við þetta. Enda sváfu strákarnir saman í 140 cm breiðum rúmum. Það jafnast ekkert á við gott kúr svona til að koma sér í gírinn.

Svo bauð Hótel Framnes okkur í súpu og pasta á Jónsabúð á Grenivík fyrir leik og þökkum við kærlega fyrir það góða boð.

Leikurinn sjálfur var svo annað. Við vorum lengi að byrja... vorum hálf slappir fyrstu 20 mínúturnar en vörnin var samt góð. Magni var ekki að ná að skapa sér neitt af viti, áttu 2 skot utan af velli sem ógnuðu ekkert. Eftir fyrstu 20 mínúturnar fórum við að vinna okkur inní leikinn. Fengum nokkur færi en vorum óheppnir.



Í síðari hálfleik byrjaði Golli á því að láta, frekar slakan dómara leiksins, reka sig útaf. Viktor fór í markið og Raggi Mar datt út. Við einum færri en samt var vörnin hjá okkur ógnar sterk. Pressan hjá Magna óx jafnt og þétt eins og gefur að skilja en við virtumst ætla að halda þetta út. Það var svo á 93 mínútu að eitthvað gefur undan og Magna menn sleppa í gegn og skora. 1-0 á 93 mínútu... Hrikalega svekkjandi.



Þannig er staðan fyrir síðari leikinn sem verður í dag. Við eigum alveg góðan séns og ekkert annað en næsta umferð er á dagskrá.



Nú þurfa allir að mæta á völlinn á eftir og styðja okkur í þessari baráttu sem er framundan.

Fleiri myndir inni í albúminu

Hann Hinni Konn mun verða með beina lýsingu af leiknum hér á veraldarvefnum á laugardaginn, fyrir þá sem hafa áhuga en komast ekki með okkur norður.

Linkurinn er hérna:

Bein lýsing

Um að gera að hlusta á Hinna fara með gamanmál ásamt því að lýsa leiknum.

Meistaraflokksráð.

Föstudagskvöldið 19. ágúst mættu Skallagrímsmenn í Grundarfjörðinn til að etja kappi við heimamenn. Með sigri gátum við gulltryggt okkur efsta sætið í riðlinum og verið með mestan stigafjölda af öllum liðinum í 3 deildinni. 

Við mættum Álftanesi á Bessastaðavelli í dag. Fyrir leikinn vorum við í efsta sætinu með 29 stig en Álftanes í öðru sæti með 28 stig. Þetta var því sannkallaður toppslagur í C-riðli. Leikurinn sjálfur var í járnum til að byrja með. Liðin skiptust á að sækja og jafnræði var með þeim. Það var svo Steinar Már sem braut ísinn þegar hann skoraðu með góðu langskoti í fyrri hálfleik. Staðan orðin 0-1 fyrir okkur. Eftir markið fór Álftanes að pressa aðeins en gríðarlega sterk vörn okkar bægði flestum sóknum frá og það sem kom í gegn varði Ingólfur.

Laugardaginn 6. ágúst mættum við liði Kára frá Akranesi á Akranesvelli. Kári var fyrir þennan leik með 22 stig, 6 stigum á eftir okkur. Með sigri hefði Kári getað blandað sér af miklum krafti í baráttuna um úrslitakeppnina. 

Grundarfjörður hefur fengið liðsmann frá BÍ... Hann heitir Stratos Christo Efstathiou og er frá Suður Afríku. Hann mun verða löglegur frá og með morgundeginum.

Fimmtudagskvöldið 28. júlí síðastliðinn fórum við í Breiðholtið til að etja kappi við Afríku. Spilað var á gervigrasinu á Leiknisvellinum. 

Á fundi Aga-og úrskurðarnefnd KSÍ 26.7.2011 var

Ragnar Smári Guðmundsson       - Meistaraflokkur karla -
úrskurðaður í 1 leiks bann vegna 4 áminninga.



                          Aga-og úrskurðanefnd KSÍ



Það er því ljóst að Ragnar Smári mun ekki vera með þegar við leikum við Kára laugardaginn 6. ágúst... en hann mun koma grimmur inn í leikinn mikilvæga á móti Álftanesi.

Ísbjörninn kom í heimsókn á Grundarfjarðarvöll á bæjarhátíðinni "Á Góðri Stund" síðasta föstudag. Margt var um manninn í brekkunni og mikil stemming á leiknum.
Við byrjuðum leikinn af krafti og það voru ekki liðnar nema 8 mínútur af leiknum þegar að Jón Steinar átti gott skot sem söng í netinu. Staðan því orðin 1-0 og gríðarleg stemming. Það sem eftir lifði af fyrri hálfleik óðum við í færum og vorum óheppnir að ná ekki að bæta við. En með réttu hefði staðan átt að vera fjögur eða fimm núll í hálfleik. 1-0 forusta í hálfleik var vel verðskulduð og síst til of lítil. 

Við gerðum góða ferð í Grafarvoginn á laugardaginn. Þar mættum við liði Bjarnarins sem er undirklúbbur hjá Fjölni. Við höfðum unnið heimaleikinn í sumar og nú var komið að okkur að mæta á gervigrasið við Egilshöllina. Leikurinn var reyndar ekki mikið fyrir augað en gríðarleg barátta einkenndi leikinn. Það var svo á 28 mínútu að Steinar Már Ragnarsson nær að vinna boltann af einum varnarmanni Bjarnarins og geysist í átt að markinu. Varnarmaðurinn sér þann kost vænstan að toga Steinar niður og dómarinn dæmdi umsvifalaust vítaspyrnu. Hárréttur dómur. Heimir Þór steig upp og var kannski einum of svalur þegar hann ákvað að vippa boltanum í mitt markið. Sem betur fer fyrir okkur þá ákvað markvörður Bjarnarins að taka sénsinn og skutla sér, Þeir sem horfðu á þessa vítaspyrnu fengu hjartastopp í eina sekúndu þangað til að boltinn lá í netinu og staðan orðin 1-0 okkur í vil. Þannig var staðan alveg þangað til að dómarinn flautaði til leiksloka og þrjú stig í hús hjá okkur. Gríðarlega mikilvægt því að nú sitjum við á toppi C-riðils með 22 stig, einu meira en Álftanes sem á þó leik til góða gegn Kára á mánudaginn. Við njótum þess að vera á toppnum á meðan það stendur yfir.

Við unnum góðan sigur á feykisterku liði Berserkja í gær. Leikurinn var ansi forvitnilegur fyrir margar sakir. 5 mörk, 3 rauð spjöld og mikill hasar.